के तपाईं नाडा अटो शोबाट आफ्नो सपनाको गाडी किन्ने सोचमा हुनुहुन्छ?
यदि हुनुहुन्छ भने, तपाईंको लागि खुसीको खबर छ! भदौ ८ सम्म चल्ने १७औँ नाडा अटो शोमा विभिन्न बैंकहरूले विशेष अटो लोन अफरहरू ल्याएका छन्।
तर, यति धेरै बैंक र उनीहरूका अफरहरूमध्ये कुन चाहिँ तपाईंको लागि सबैभन्दा उपयुक्त छ भन्ने जान्न जरुरी हुन्छ। हामीले तपाईंको लागि नाडा अटो शोमा उपलब्ध बैंकका विशेष अटो लोन योजनाहरूको विस्तृत विश्लेषण गरेका छौँ। आउनुहोस्, जानौँ कुन बैंकले दिँदैछ सबैभन्दा राम्रो अफर।
गत वर्षझैँ यस वर्ष पनि नाडा अटो शोले ग्राहकहरूलाई एउटै ठाउँमा गाडी हेर्न, किन्न र बुक गर्न मिल्ने सुविधा दिएको छ। यस अवसरमा, सहभागी बैंकहरूले पनि ग्राहकहरूका लागि आ-आफ्नो स्टल राखी विशेष अटो लोनका आकर्षक योजनाहरू राखेका छन्।
यस वर्ष नाडा अटो शोमा सहभागी बैंकहरूमा नबिल, हिमालयन, लक्ष्मी सनराईज, कृषि विकास, ग्लोबल आईएमई, सानिमा र नेपाल एसबीआई बैंक रहेका छन्। र नाडा अटो शोमा उनीहरुले ल्याएका विशेष अटो लोनमा छुट अफरहरु यस प्रकारका छन्:
| Commercial Banks | Interest Rate | Tenure | Processing Fee | |
| Floating | Fixed | |||
| Agriculture Development Bank | 6.23% | - | Up to 7 Years | 0.01–0.05% |
| Nabil Bank | 6.74% | - | Up to 5 Years | 0.50% |
| For 5 to 7 Years | ||||
| Global IME Bank | Starting from 6.99% | 8.25% | Up to 5 Years | 0.75% |
| 8.49 | Up to 7 Years | |||
| Nepal SBI Bank | Starting from 6.99% | 7.99% | Up to 3 Years | 0.75% |
| 8.49% | For 3 to 5 Years | |||
| 8.99% | For 5 to 7 Years | |||
| NMB Bank | 7.13% | 8.99% | Up to 5 Years | 0.75% |
| Himalayan Bank | 7.50% | 8.50% | Up to 8 Years for EV | 0.75% |
| 7.65% | Up to 8 Years for Petrol | |||
| Laxmi Sunrise Bank | - | 7.99% | Up to 7 Years | 0.75% |
| Sanima Bank | - | 7.99% | Up to 5 Years | 0.50% |
| 8% | Up to 7 Years | |||
नाडा अटो शोमा गाडी किन्न जाँदा बैंकका थुप्रै अफरहरू देख्दा अलमलिनु स्वाभाविक हो। कम ब्याजदर, लामो अवधि वा स्थिर किस्ता, तपाईंको प्राथमिकता के हो, त्यसैमा सबै कुरा भर पर्छ। तपाईंको आवश्यकता अनुसार सही विकल्प कसरी छान्ने, आउनुहोस् हेरौँ:
फ्लोटिङमा: सबैभन्दा सस्तो अफर कृषि विकास बैंकको छ, जहाँ तपाईंले मात्र ६.२३% ब्याजदर पाउनुहुनेछ। यदि बजारको ब्याजदर घट्यो भने, तपाईंको ब्याज पनि घट्छ तर ब्याजदर बढ्यो भने तपाईले तिर्नु पर्ने ब्याज पनि बढ्छ।
फिक्स्डमा: ब्याजदर बढ्ने चिन्ता लिनु छैन भने, नेपाल एसबीआई बैंक र सानिमा बैंकको ७.९९% फिक्स्ड ब्याजदर तपाईंको लागि उपयुक्त हुन्छ। यसमा ब्याजदर कहिल्यै परिवर्तन हुँदैन।
लामो अवधिको लागि अटो लोन लोन खोज्दै हुनुहुन्छ भने, हिमालयन बैंकले इलेक्ट्रिक गाडी (EV) का लागि ८ वर्षसम्मको अवधि दिएको छ।
प्रोसेसिङ शुल्कको आधारमा कृषि विकास बैंकको अटो लोनमा मात्र ०.०१% देखि ०.०५% रहेको छ। त्यसै गरि सानिमा र नबिल बैंकले नाडा अटो शोको लागि प्रोसेसिङ शुल्कमा पनि छुट राखी ०.५०% मा अटो लोन सुविधा दिएका छन्।
सरल भाषामा भन्नुपर्दा, फ्लोटिङ ब्याजदर बजारसँगै घटबढ हुन्छ। यदि तपाईंलाई भविष्यमा ब्याजदरमा आउन सक्ने घटबढसँग असर पर्दैन भने यस किसिमको ब्याज राम्रो हुन्छ। तर, यदि तपाईंलाई आफ्नो मासिक किस्ता कति आउँछ भनेर ढुक्क हुन मन छ भने, फिक्स्ड नै रोज्नुहोस्।
अन्तत: ब्याजदर मात्र हेरेर निर्णय नगर्नुहोस्: बैंकको स्टलमा गएर प्रोसेसिङ शुल्क, डाउन पेमेन्ट, र लोन स्वीकृति प्रक्रियाहरुको बारेमा पनि प्रश्नहरू पनि सोध्न नभुल्नुहोस्।
गाडी किन्ने निर्णयले मन उत्साहित बनाईदिन्छ भने बैंक अनुसारको फरक फरक अटो लोनको ब्याजदर, अवधि, शुल्कजस्ता कुराले झन्झटिलो र अलि गाह्रो पार्छ। विशेषगरी नाडा अटो शो जस्ता कार्यक्रममा, एकैचोटि धेरै बैंकका अफरहरू आउँछन्।
तर, यस्तो अलमलबाट बच्न र निर्णयलाई सहज बनाउन सरल बैंकिङ सेवाले तपाईंलाई मद्दत गर्दछ, किनकि यहाँ तपाईंले सबै अटो लोन अफरहरूको विस्तृत जानकारी र तुलना सजिलै एकै ठाउँमा गर्न सक्नुहुन्छ।
.jpeg)
