.jpg)
पछिल्लो केही समयमा, नेपालका वाणिज्य बैंकहरूको आधार दर (Base Rate) निरन्तर घटेर अहिले ५% को हाराहारीमा आइपुगेको छ। फागुन महिनामा वाणिज्य बैंकहरूको औसत आधार दर माघ महिनाको ६.८% बाट झरेर ६.६१% मा आइपुगेको हो। यस गिरावटको प्रमुख कारण भनेको बैंकिङ प्रणालीमा अधिक तरलता र निक्षेप तथा फिक्स डिपोजिटको ब्याज दरमा भएको कमी हो।
बैंक तथा वित्तीय संस्थाहरूले आफ्ना कर्जा सेवाहरूमा प्रदान गर्ने ब्याज दर आधार दरसँगै सम्बन्धित हुने गर्दछ, जसले गर्दा आधार दर बढेको बेलामा कर्जा तथा बचत सेवाहरूको ब्याजदर पनि बढ्ने, र घट्दा सबै वित्तीय सेवाहरूको ब्याजदर पनि घट्ने हुन्छ।
अहिले बैंकहरूको आधार दर घटेसँगै सबै वित्तीय कर्जा वा ऋणको ब्याजदर पनि घटेको छ। त्यसैले, सस्तो ब्याजदरमा ऋण लिन चाहने सबैका लागि यो राम्रो समय बनेको छ।
नेपालका २० वटै वाणिज्य बैंकहरूले फागुन महिनामा प्रकाशित गरेका ब्याजदरअनुसार, बैंकहरूको आधार दर ५.११% देखि ७.५३% रहेको छ।
सबैभन्दा थोरै आधार दर भएका बैंकहरूमा स्ट्यान्डर्ड चार्टर्ड, राष्ट्रिय वाणिज्य, र एभरेस्ट बैंक रहेका छन्, जसमा आधार दर क्रमशः ५.११%, ५.४४% र ५.६३% रहेको छ। त्यसैगरी, ६% को आसपासमा आधार दर भएका बैंकहरूमा नेपाल बैंक, नबिल, नेपाल इन्भेस्टमेन्ट मेगा, कृषि विकास, र एनएमबी बैंक रहेका छन्।
एनआईसी बैंक फागुन महिनामा सबैभन्दा धेरै आधार दर भएको बैंक बनेको छ, जसको आधार दर ७.५३% रहेको छ। अन्य सबै वाणिज्य र विकास बैंकहरूको आधार दरको जानकारी र तुलना सरल बैंकिङ सेवाको बेस रेट पेज मा गर्न सक्नुहुन्छ।
सबै किसिमको वित्तीय कर्जाको ब्याज दर आधार दरको आधारमा तय हुने भएकाले, स्ट्यान्डर्ड चार्टर्ड बैंकबाट ऋण लिँदा सबैभन्दा सस्तो हुने देखिन्छ। किनकि स्ट्यान्डर्ड चार्टर्ड बैंकको आधार दर ५.११% रहेको छ, जसले गर्दा बैंकले ऋणको प्रकृति हेरेर न्यूनतम ब्याज दर ७.११% सम्ममा कर्जा प्रदान गर्न सक्छ।
त्यसैगरी, राष्ट्रिय वाणिज्य, एभरेस्ट, नेपाल बैंक, नबिल, नेपाल इन्भेस्टमेन्ट मेगा, कृषि विकास, एनएमबी जस्ता बैंकहरूले पनि १०% भन्दा कम ब्याज दरमा कर्जा दिन सक्छन्। नेपालमा कुन बैंकले सबैभन्दा कम ब्याज दरमा कुन-कुन प्रकारका कर्जा प्रदान गरिरहेका छन्? यसको विस्तृत तुलना एकै ठाउँमा सहज रूपमा गर्न सरल बैंकिङ सेवाको वित्तीय तुलना टूल प्रयोग गर्नुहोस्।
तर, यदि तपाईं ऋण लिने विचार गर्दै हुनुहुन्छ भने, केवल न्यून ब्याजदर वा आधार दरलाई मात्र आधार बनाएर बैंक वा कर्जा योजना छनोट गर्नु उचित हुँदैन। त्यसैले, सही निर्णय लिन ऋणको प्रकार, योग्यता, अवधि, प्रक्रिया शुल्क, भुक्तानी प्रकृति र अन्य थप शर्तहरूको राम्ररो सँग अध्ययन गर्नु आवश्यक हुन्छ।
.png)
नेपालका वाणिज्य बैंकहरूको आधार दर घट्दै ५% को हाराहारीमा पुगेकोले अहिले ऋण लिन चाहने हरुका लागि राम्रो समय हुन सक्छ। स्ट्यान्डर्ड चार्टर्ड, राष्ट्रिय वाणिज्य, र एभरेस्ट बैंक जस्ता बैंकहरूले तुलनात्मक रूपमा कम ब्याजदरमा कर्जा प्रदान गरिरहेका छन्।
तर, केवल आधार दर वा ब्याजदरलाई मात्रै हेरेर निर्णय गर्नु बुद्धिमानी हुँदैन। ऋणको अवधि, प्रक्रिया शुल्क, भुक्तानीमा लचिलोपन, र अन्य शर्तहरू पनि ध्यान दिनुपर्छ। त्यसैले, सही बैंक र ऋण योजना छनोट गर्न सरल बैंकिङ सेवाको वित्तीय तुलना टूल प्रयोग गरी विस्तृत जानकारी लिनुहोस्।
अब तपाईंकै पालो! कम ब्याजमा ऋण लिन चाहनुहुन्छ? कुन बैंक उपयुक्त लाग्यो? तपाईंको विचार कमेन्टमा सेयर गर्नुहोस्!
